«Электр желілері мен жүйелері» мамандығы түлектерінің мерейтойлық кездесуі
2026 жылғы 20 маусымда «Электр желілері мен жүйелері» мамандығы түлектерінің (ЭСС-81-1 және ЭСС-81-2 топтары) айтулы мерейтойлық кездесуі өтті. Шара екі айтулы датаға: оқуға түскендеріне 45 жыл және мамандардың оқу бітіргендеріне 40 жыл толуына орайластырылды.
Ұзақ жылдар ішінде көбі Қазақстанның және өзге де елдердің әртүрлі қалаларына тарап кетсе де, түлектер байланысын үзбей, студенттік достық пен өз бауырластығына адал болып қалды. Қара шаңырақта, қазіргі жұмыс орны мен атқаратын лауазымдарына қарамастан, кезінде осы топтарда оқыған студенттердің жартысына жуығы жиналды. Бұл күні кездесу қуанышы, жылылық, естеліктер мен жағымды ностальгия сезімі ұялады.
Кездесуге қатысушылардың арасында кәсіби қызметте айтарлықтай жетістіктерге жеткендер аз емес: Ермаханбет Тіллабекұлы Атақулов – «KEGOC» АҚ Күрделі құрылыс және пайдалану жөніндегі басқарушы директоры; Алматы қаласының Мемлекеттік сәулет-құрылыс бақылауы (МСҚБ) басқармасында жауапты лауазымдарды, сондай-ақ Талдықорған облысы әкімінің орынбасары қызметін атқарған Асқар Алмабекұлы Тутұбаев және энергетика саласы мен мемлекеттік басқарудың дамуына елеулі үлес қосқан басқа да түлектер бар.
Кездесу жылы әрі достық жағдайда өтті. Түлектер студенттік жылдардағы естеліктерімен қуана бөлісіп, өзекті кәсіби мәселелер мен энергетика саласының қазіргі даму тенденцияларын талқылады, сонымен қатар университеттің серпінді дамуын, оның жоғары беделі мен рейтингін атап өтті.
Іс-шара аясында қонақтар үшін кампус-тур ұйымдастырылды. Оның барысында түлектер оқу орнының инфрақұрылымындағы өзгерістермен танысып, жаңартылған оқу аудиториялары мен зертханаларды аралады, сондай-ақ оқытушылармен, соның ішінде кезінде өздеріне дәріс берген ұстаздарымен кездесті. Шараның жарқын түйіні соңғы үш жылдың дәстүріне айналған — университет мантияларымен міндетті фотосессия жасау болды.
Мерейтойлық кездесу түлектердің ұрпақтар сабақтастығын тағы бір рет көрсетіп, университеттің көпжылдық дәстүрлерінің маңыздылығын дәлелдеді.
Түлектер
Сілтемені көшіру
Жаңалықтар Energo University
