ADC — біздің университетіміздегі жарқын, шығармашыл студенттік ұжымдардың бірі.
Атап айтқанда, ADC (AUES Dance Club) — бұл би өнеріне қызығатын, шығармашылығын дамытып, сахнада өнер көрсеткісі келетін және университет намысын түрлі алаңдарда қорғауға дайын студенттердің клубы.

Клуб 2017 жылы құрылған, содан бері ADC университетіміздің барлық маңызды іс-шараларына белсенді қатысып, концерттер мен байқауларда өнер көрсетіп келеді. Би ұжымы тек университет ішіндегі іс-шараларда ғана емес, Гұмарбек Даукеев атындағы АЭжБУ атын университет қабырғасынан тыс жерлерде де абыроймен танытып жүр.

ADC қалалық фестивальдерге, байқауларға, жоғары оқу орындары арасындағы баттлдарға тұрақты қатысып, жоғары деңгейін көрсетіп, жүлделі орындар алып келеді. Клуб ұйымшыл ұжымымен, креативті көзқарасымен және кәсіби хореографиясымен танымал. Би стильдері — хип-хоптан бастап, заманауи бидің түрлі бағыттарын қамтиды.

Бүгінде ADC — жай ғана би ұжымы емес, ол — әрбір қатысушы өз ойын жүзеге асырып, жаңа достар тауып, шығармашылық әлеуетін ашатын үлкен, тату отбасы.

Клубтың ерекше жетістіктері:

• 2023 жылы ADC университетіміздің атын шығарып, NNEF білім беру қорының 25 жылдық мерейтойында ең үздік би ұжымы атанды.

• Сол жылы клуб мүшелері әйгілі қазақстандық NINETY ONE тобымен бір сахнада өнер көрсетіп, жарқын би нөмірін қойды.

ADC алдағы уақытта да дамып, жаңа жобаларға қатысып, биік белестерді бағындыруды жалғастырады, осылайша университеттің қалалық шығармашылық ортадағы беделін айқындап келеді.