АУЭС студенттері Мертл Дамир мен Друзин Дмитрий AI, киберқауіпсіздік және финтех саласындағы республикалық студенттік жобалар байқауында II орын иеленді
Ғұмарбек Дәукеев атындағы Алматы энергетика және байланыс университетінің студенттері Мертл Дамир мен Друзин Дмитрий жасанды интеллект, киберқауіпсіздік, финтех әзірлемелер және қаржы саласындағы цифрлық шешімдер бағытындағы Республикалық студенттік жобалар мен зерттеулер байқауының алматылық кезеңінде II орын иеленді.
Байқау 11 қараша күні ҚБТУ базасында өтті және оны Қазақстан Республикасы Банктер қауымдастығы ұйымдастырды. Алматы кезеңіне қаржы технологияларын және банк секторы үшін цифрлық шешімдерді дамытуға бағытталған жобаларын ұсынған 23 команда қатысты.
АУЭС студенттерінің «AI for Finance» жобасы банк саласының сарапшылары, тәуекелдерді басқару мамандары, финтех бағыттарының өкілдері және инвестициялық қор өкілдерінен құралған кәсіби қазылар алқасы тарапынан жоғары бағаланды. Байқау қорытындысы бойынша команда II орын алып, 350 000 теңге көлеміндегі ақшалай сыйлыққа ие болды.
Мертл Дамир мен Друзин Дмитрийді лайықты жеңістерімен құттықтаймыз! Жасанды интеллект және қаржы технологиялары саласында жаңа идеялар, табысты жобалар және алдағы уақытта үлкен жетістіктер тілейміз.
Студенттік өмір
Ақпараттық технология
Жасанды интеллект
Жетістіктер
Сілтемені көшіру
Жаңалықтар Energo University
