Energo University-де Мансап орталығы ұйымдастырған жыл сайынғы бос жұмыс орындары жәрмеңкесі өтті. Іс-шара энергетика, IT, телекоммуникация және инженерлік технологиялар салаларындағы 35-тен астам компанияны біріктірді.
Жәрмеңке студенттер мен компания өкілдерінің тікелей қарым-қатынасы үшін тиімді алаңға айналды. Қатысушылар қатарында Alatau Zharyk Company, Danone Kazakhstan, Garant Tranzit Plus, Алматыэнергосервис, Мобайл Телеком-Сервис, AAEngineering Group және халықаралық IT-компаниялар болды.
Студенттер экспресс-сұхбаттан өтіп, мансаптық мүмкіндіктер туралы ақпарат алып, түйіндемелерін қалдыруға мүмкіндік алды. Сондай-ақ қонақтар үшін университеттің ғылыми зертханаларына тур ұйымдастырылды.
Ұйымдастырушылар мұндай бастамалар жас мамандарды жұмысқа орналастыруға және Energo University-дің серіктестік байланыстарын нығайтуға ықпал етеді деп сенеді!
Оқиғалар
Тәжірибе
Сілтемені көшіру
