Алматы, 28 наурыз- ҚР Ғылым және жоғары білім министрі Саясат Нұрбек Қаскелең қаласындағы Energo University-дің (Ғұмарбек Дәукеев атындағы Алматы энергетика және байланыс университеті) болашақ кампусының алаңына жұмыс сапарымен барды. Кездесудің басты тақырыптары Креативті индустриялар паркін дамыту және Қазақстандағы алғашқы New York Film Academy (NYFA) филиалын іске қосу болды.
Energo University-дің ректоры Ғани Нығыметов министрге 10 мың студентке арналған кампус салу жоспарланып отырған жаңа аумақтың мүмкіндіктерін көрсетті. Ректор мұнда құрылған Креативті индустриялар паркі Орталық Азияның техно-креативті білім беру хабы болуға ұмтылатын Energo University дамуының жаңа тұжырымдамасына сәйкес стартаптар, IT - әзірлемелер және цифрлық өнер үшін инновациялық хабқа айналуы тиіс екенін атап өтті.
«NYFA Парктің алғашқы резиденті болғанының символдық мәні бар. Бұл Қазақстанның креативті экономикасы үшін маңызды оқиға. Студенттер кино, анимация және медиа саласындағы әлемдік сарапшылардан білім ала алады», - деп атап өтті Ғани Нығыметов.
Болашақ кампуста Технопарк құру жоспарлануда. Мұнда студенттер, ғалымдар мен сала өкілдері отандық энергетиканың түрлі бағыттарын дамытуды ынталандыратын жобалармен бірлесіп жұмыс істей алады.
Оқиғалар
Мерейтой
Сілтемені көшіру
