Қазақстанның Ұлттық инженерлік академиясының Президиумы отырысы барысында ҚР ҰИА Президенті, академик Бақытжан Жұмағұловтың төрағалығымен Академияның жаңа корреспондент-мүшелеріне дипломдар табысталды. Олардың қатарында Energo University өкілдері де бар. Дипломға ие болғандар – университет ректоры Ғани Нығыметов және Электр энергетикасы кафедрасының аға оқытушысы Анур Бектимиров.
Енді олар Ұлттық инженерлік академияның мүшелері ретінде бірқатар маңызды мәселелерді шешуге атсалысады. Соның ішінде ең маңызды міндеттердің бірі – Қазақстан Республикасының Президенті Қасым-Жомарт Кемелұлы Тоқаевтың тапсырмасына сәйкес, халықаралық стандарттар мен тәжірибені ескере отырып, инженерлік-техникалық кадрларды даярлаудың ұлттық моделін әзірлеу болып табылады.
Әріптестерімізді шын жүректен құттықтаймыз және жетістіктер тілейміз!
Оқиғалар
Жетістіктер
Сілтемені көшіру
