Energo University-дің командасы электр энергетика бойынша республикалық олимпиаданың жеңімпазы

 15-16 сәуір аралығында Қ.И. Сәтбаев атындағы "Қазақ ұлттық техникалық зерттеу университеті" КеАҚ базасында Қазақстан Республикасының жоғары оқу орындарының студенттері арасында "Электр энергетика" мамандығы бойынша Республикалық пәндік олимпиада өтті. Іс-шараға еліміздің түкпір-түкпірінен келген мықты командалар қатысты. Energo University-дің атынан (Ғұмарбек Дәукеев атындағы Алматы энергетика және байланыс универсиитеті) олимпиадаға 6B07101 "Электр энергетика" мамандығының студенттері: Ахмедов Даулет, Мороз Матвей және Саурамбаев Ануар қатысты. Команданы Жаңартылатын және баламалы энергия көздері кафедрасының доценті И.В. Казанина басқарды.

Олимпиаданың қорытындысы бойынша 39 қатысушыдан жеке есепте Energo University-дің екі студенті жүлделі орындарға ие болды: біріншісі –Ахмедов Даулет, үшіншісі –Мороз Матвей. Ал 14 команда арасында командалық есепте біздің команда ең жақсы нәтиже көрсетіп, бірінші болды!

Бәрекелді, студенттерімізді және олардың жетекшілерін тамаша нәтижелерімен құттықтаймыз!

Сілтемені көшіру